Promovimi, profesori i njohur i së Drejtës Ndërkombëtare Ksenofon Krisafi boton dy libra të rinj për Kosovën

Promovohen dy librat e rinj të një prej profesorëve më të njohur të së Drejtës Ndërkombëtare, Dekanit  të Fakultetit të Drejtësisë dhe Marrëdhënieve Ndërkombëtare në UMSH, Ksenofon Krisafi. Në ceremoninë e organizuar në Universitetin Mesdhetar të Shqipërisë, morën pjesë dhjetra personalitete të ndryshme të politikës, diplomacisë, studiues e analistë.  “Lufta e Kosovës në Labirintet Diplomatike" dhe “Në Gjenevë për Kosovën-Fjalime në institucionet ndërkombëtare”, janë dy librat të cilat janë shkruar duke iu referuar kohës, kur Prof. Krisafi, ishte në krye të misionit diplomatik të Shqipërisë në OKB. “Janë libra që kanë nisur kur në Kosovë bëhej luftë dhe në qarqet diplomatikë ku kam bërë pjesë në atë kohë, punohej për ta ndalur atë. Janë vitë të mbushura me veprimtari mjaft intensive e përkushtim për një kauzë të madhe mbarë kombëtare. Ndjehem vërtet me fat që isha pjesë e atij grupi njerëzve që punuan sinqerisht dhe pa u lodhur duke kontribuar modestisht për Kosovën”, u shpreh Prof. Krisafi gjatë ceremonisë, duke falenderuar të ftuarit që u bënë pjesë e saj. Këta dy libra u vlerësuan edhe nga kolegë e miq të profesor Krisafit. Në fjalën e tyre z. Fatos Tarifa dhe z. Pëllumb Xhufi, duke iu referuar dy vëllimeve të botuara, theksuan se në këto libra tregohet qartazi se cfarë mund të bëjë një diplomat i një vendi të vogël për një kauzë të madhe siç ishte pavarësia e Kosovës. Ata i cilësuan këta libra si dokumenta mjaft të rëndësishëm, të cilat do të mbeten gur themeli në historinë e marrëdhënieve ndërkombëtare veçanërisht me shtetin e Kosovës. Themeluesi i Universitetit Mesdhetar të Shqipërisë, Profesor e Akademik, Anastas Angjeli u shpreh se këto dy vepra kanë në thelb një komb, vijnë vetëm pak javë pas përvjetorit të dhjetë të pavarësisë së Kosovës. “Janë dy vepra për një çështje, gjatë luftës për pavarësinë e Kosovës, natyrisht të gjithë e njohim këtë luftë, por ka edhe një luftë tjetër të një karakteri të veçantë ,  lufta diplomatike e cila ka nisur dekada më parë  dhe me veçoritë e saj e me vlerat është sjellë ashtu siç duhet nga prof. Ksenofon Krisafi,falë përvojës së tij , falë veprimtarisë konkrete dhe praktikë në fushën historike e diplomatike , të drejtën ndërkombëtare”, u shpreh themeluesi i UMSH-së.

Metodat e reja të auditit, UMSH nënshkruan marrëveshjen e bashkëpunimit me KLSH

Universiteti Mesdhetar i Shqipërisë, nënshkroi sot marrëveshjen e bashkëpunimit me Kontrollin e Lartë të Shtetit, një institucion që kontribuon në  shtimin dhe kursimin e vlerës së parave publike, duke ndihmuar në përmirësimin e menaxhimit të Qeverisë e të enteve të tjera publike nëpërmjet auditimit. Qëllimi i kësaj marrëveshje është orientimi, trajnimi praktik, këshillimi praktik dhe i drejpërdrjetë i studentëve të UMSH-së dhe  realizimi i studimeve dhe punëve kërkimore . Marrëveshja synon gjithashtu  nxitjen e shkëmbimit të eksperiencave pozitive të kapaciteteve dhe njohurive profesionale të stafit të Kontrollit të Lartë të Shtetit nga njëra anë dhe shtimin e zbatimit në praktikë të aktivitetit kërkimor dhe shkencor të Universiteti Mesdhetar të Shqipërisë nga ana tjetër. Gjithashtu, në sajë të kësaj marrëveshje synohet  rritja dhe zgjerimi i  “Kërkimit të aplikuar Kontabel dhe Financiar” ku për probleme të veçanta specialistët e Kontrollit të Lartë të Shtetit mund të mbështesin me shembuj konkret pedagogët dhe studentet e  Universitetit Mesdhetar të Shqipërisë dhe pedagogët të japin ekspertiza të specializuara për probleme të veçanta në Inxhinierinë Financiare dhe fusha të tjera. Duke vlerësuar këtë marrëveshje bashkëpunimi themeluesi i Universitetit Mesdhetar të Shqipërisë, Prof. Dr  Anastas Angjeli, u shpreh se është një institucion i cili po aplikon elementët më bashkëkohor të kontrollit dhe auditimit sipas standardeve europiane. “Futja e këtyre elementëve të rinj të kontrollit dhe auditit është e nevojshme të përfshihet edhe në programet tona mësimore dhe kjo është arsyeja pse sot kemi Kryetarin e Kontrollit të Lartë të Shtetit dhe e shohim si mjaft të rëndësishme këtë marrëveshje bashkëpunimi”, u shpreh Pr.Dr. Angjeli. Ndërkohë Kryetari i Kontrollit të Lartë të Shtetit, z. Bujar Leskaj, duke vlerësuar punën e bërë nga Universiteti Mesdhetar për edukimin e brezit të ri, veç të tjerash nënvizoi se kjo marrëveshje do të zbatohet në praktikë duke ecur paralel me filozofinë e institucionit që ai drejton ku eksperienca e përbashkët u shërben të gjithëve . “Nëpërmjet kësaj filozofIe në jemi të bindur se është vertët e rëndësishme të shkëmbesh dhe të mësosh nga të tjerët, ndaj kjo marrëveshje do t’I shërbejë dy institucioneve”, tha z. Leskaj. 


Drejtësia për të miturit, pas miratimit të Kodit të ri të drejtësisë penale Universiteti Mesdhetar mbledh gjithë aktorët në konferencën ndërkombëtare

Me pjesëmarrjen e përfaqësuesve të institucioneve më të rëndëishme në vend, akademikëve, politikanëve dhe personaliteteve të tjera, me rreth 60 kumtesa nga studiues të fushës, Universiteti Mesdhetar organizoi sot konferencën shkencore ndërkombëtare “Drejtësia për të Miturit, realitete dhe sfida”. Kjo konferencë, erdhi si një përpjekje për t’i vendosur  çështjet e drejtësisë së të miturve në fokusin e debatit publik, fill pas  hyrjes në fuqi të Kodit të Drejtësisë Penale për të Miturit, në 1 janar të këtij viti. Duke e konsideruar si një nga sfidat kryesore  dhe duke shprehur angazhimin më maksimal për të bashkëpunuar në ofrimin e zgjidhjeve më të mira për të miturit, si e ardhmja e shoqërisë, punimet e kësaj conference u përshëndetën nga Ministrja e Drejtësisë, Etilda Gjoni,Nënkryetarja  e Parlamentit  Vasilika Hysi, Kryetari i Gjykatës Kushtetuese, Bashkim Dedja. Themeluesi i Universiteteti Mesdhetar të Shqipërisë, Prof.Dr Anastas Angjeli, duke falenderuar pjesëmarrësisit për interesin e treguar për këtë çështje me rëndësi të veçantë, u shpreh se drejtësia për të miturit qëndron gjithmonë në vëmendjen jo vetëm të institucioneve e politikbërjes, por të gjithkujt që beson me sytë nga e ardhmja se çdo iniciativë apo hap që një shoqëri ndërmerr për t’ju garantuar fëmijëve një jetë më të mirë, është një kontribut madhor për të ardhmen e gjithë shoqërisë,  “Ndaj dhe misioni e detyra jonë, para së gjithash si prindër,  është të bëjmë më shumë sot,në mënyrë  që e ardhmja e fëmijëve tanë nesër të jetë një e ardhme e shëndetshme me më shumë mundësi edukimi, mirëqenie  dhe mbi të gjitha të jetë një e ardhme e  sigurtë”, u shpreh Prof. Dr Angjeli.  Në lidhje me  Kodin e miratuar këtë vit, ai u shpreh se ky kod  vjen si një përgjigje dhe një angazhim serioz për përmirësimin  e mekanizmave ligjorë, në mënyrë që t’i jepet një zgjidhje sa më e efektive shqetësimit të përligjur të institucioneve kombëtare dhe ndërkombëtare në lidhje me fenomenin e kriminalitetit tek të miturit. “Kriminaliteti ndër të miturit nuk është produkt i kohës sonë as edhe vetëm i disa vendeve specifike. Njihet prej shekujsh e dekadash dhe është i përhapur kudo në botë, madje edhe në shtete ku standardet e zhvillimi, kultura dhe qytetërimi nuk do të mund t’a pranonin. Ai është realitet i pamohueshëm, me të cilin duhet të përballen të gjithë, që nga shteti me të gjitha strukturat e veta kompetente, shoqëria, familja, shkolla, përfshirë edhe institucionet e arsimit të lartë, ato të kërkimit shkencor”, u shpreh në fjalën tij Prof. Dr Anastas Angjeli.  Ai vlerësoi se iniciativa e Fakultetit të Shkencave Juridike dhe Marrëdhënieve Ndërkombëtare të Universitetit Mesdhetar  në bashkëpunim me Universitetein “Aldo Moro” të Barit, “Alcide de Gasperi”, i Josefoëit dhe Lublinit të Polonisë, të Universitetit AAB të Prishtinës, Fakultetin e Drejtësisë të Universitetit të Tiranës , duke arritur të sensibilizojë studiues dhe akademikë brenda e jashtë vendit, është një kontribut i rëndësishëm dhe një nismë që duhet të vazhdojë duke bërë bashkë edhe më shumë aktorë.

 

 

 

 

 

 

 

 

Starton puna për përgatitjen e Strategjisë së re për punësimim për vitet 2018-2022

Duke e konsideruar nje nga çështjet më kryesore vlerësuar në zhvillimin ekonomik e social të vendit, si dhe nga  shqetësimet  e dala nga komunikimi përmes qeverisjes me njerëzit,ka nisur  angazhimi i  disa grupeve pune për përgatitjen e një Strategjie të re për punësimin në vend. Njëri prej tyre, që drejtohet nga deputeti Anastas Angjeli u mblodh  në Universitetin Mesdhetar për të prezantuar draftin e parë të struktures së kësaj strategjie. Ky grup, në përbërje të të cilit janë dhe deputetët  Evis Kushi,Milva Ikonomi,Arben Pëllumbi, ka grumbulluar rreth vetes mendimin e ekspertizës në këtë fushë,të profesoratit të disa universiteteve per te sjelle  arritjet dhe problematiken e deri tanishme ne kete ceshtje dhe pervojen europiane dhe te vendeve me kushte te ngjajshme me vendin tone. Synimi është hartimi i një dokumenti  i  cili do t’i shërbejë rritjes së punësimit në Shqipëri, si një sfidë jo vetëm e qeverisë, por e gjithë shoqërisë shqiptare. Në dokumentin e ri që pritet të hartohet, synohet një vizion i ri,që konsideron më mire kushtet aktuale të zhvillimit ekonomik në vend,bazuar në një analize të tregut të punes dhe llojit të papunësisë aktuale,mundsinë  e një lidhjeje më të mirë direkte midis rritjes ekonomike dhe të investimeve,prioriteteve të zhvilimit me rritjen e punësimit. Strategjia e  re pritet të krijojë një qasje ndryshe të punësimit në Shqipëri, me  fokus rritjen e punësimit te të rinjtë,barazinë  gjinore  në  punësim,orientimin e drejte të fondeve publike në binomin zhvillim-punësim,kontributin e sektorit privat për këtë ceshtje,harmonizimin e edukimit ne te gjitha nivelet dhe ate professional,( një kualifikim efektiv sipas profesioneve të cilat sot kërkon tregu,   zhviillimet teknologjike dhe digjitale të vrullshme.Kështu synohet të jepet një panoramë mbështetëse për një vizion të ri për politikat aktive të punësimit ,drejtimet dhe instrumentet ekonomike  e financiare që do të përdoren në funksion të nxitjes së punësimit dhe vetëpunësimit