Të Reja

Vlerësohet si roman revolucionar në një sallë të mbushur me akademikë, studiues dhe studentë në Universitetin Mesdhetar të Shqipërisë, shkrimtari Ben Blushi zbërtheu për lexuesit botimin e tij të dhjetë ‘’Komploti’’. Kërshëria që zgjon titulli, kaosi i ditëve të sotme dhe horizonti i pritjes për të ardhmen jo të largët të Shqiperisë, mveshur me trill letrar e gjuhën e hollë, rreth kësaj bote u avit biseda e autorit në auditor. ‘’Ky libër është produkti I një terrori, produkti I një kohe të turbullt, dhe nëse dikush përvec meje e lexon librin do të thoshte:- në cfarë bote jeton ky? Jetoj në botën që jetojmë të gjithë bashkë, shumë e pasigurt, shumë e ngatërruar, nuk të jep mundësi të shikosh të ardhmen’’, tha autori. Presidenti i Nderit i Universitetit Mesdhetar, Anastas Angjeli e vlerësoi “Komplotin” si një nga veprat më të spikatura të krijimtarisë së autorit. “Nuk e teproj aspak të them se kemi jë shkrimtar, një personalitet poliedrik, që është nga zërat më të fuqishëm të letërsisë së sotme bashkëkohore shqiptare, si një kronikan elegant dhe po aq edhe sakrkastik i shpirtit dhe karakterit të shqiptarëve nga njëra anë dhe perceptive të fatit të atdheut të vet nga ana tjetër.’’ Ai shtoi se libri është provokues, joshës, një rrëfim sa ironic edhe njerëzor. “Në kët libër Beni na befason, na provokon, vë në dyshim vlerat historike dhe moralin e pranuar. Provokon mitet, ideologjitë, fetë nacionalizmat dhe të vërtetat absolute, gat isa na fton të rishikojmë optimizmin dhe pesimizmin tonë, gjithcka qe kemi pranuar deri në kohën e sotme për të qenë vigjilent edhe per të ardhmen”,tha Angjeli. “Komploti", roman që ka bërë revolucion në stilistikë e cilësoi edhe antropologu Përparim Kabo.‘’Shkrimtari Ben Blushi ka bërë një revolucion në stilistikë, ka një trajtim ravizues linear që nuk e provokojnë arsyen e lexuesit, ai ka vetëm një ngasje për të mësuar ngjarjen. Ka ngjarje që befasojnë, që mund të krijojnë një rezonim me ndërgjegjjen tënde të brendshme, po ka ngjarje që duken krejt të largëta të ftohta.