Të Reja

Angjeli: Programi “Menaxhim dhe Marketing i Turizmit “ ndër më të kërkuarit nga të rinjtë

Universiteti Mesdhetar I Shqipërisë  mirëpriti sot  2  profesorë dhe 18 studentë  të Lincoln University nga Britania Madhe. Këta studentë pjesë e programit ndërkombëtar morën pjesë në një tryezë të rrumbullakët së bashku me studentë e pedagogë të Universitetit Mesdhetar të Shqipërisë, ku u diskutua rreth turizmit në Shqipëri dhe rajon.

Presidenti i Universitetit Mesdhetar të Shqipërisë, përshëndeti tryezën dhe vuri theksin te potencialet e turizmit në Shqipëri, por edhe ofertën akademike që Universiteti Mesdhetar ka në këtë fushë, ku programi professional  “Menaxhim dhe Marketing I Turizmit “, është ndër më të kërkuarit nga të rinjtë “Duke ofruar programe të cilat i përshtatën nevojave të industrisë, Universiteti Mesdhetar jep kontributin e tij në edukimin e specialistëve të këtij sektori të rëndësishëm për të ardhmen e vendit”, u shpreh  Angjeli.

Universiteti Mesdhetar ka aktualisht një marrëveshje Bashkëpunimi me Universitetin Lincoln i cili rënditet I 4-ti në të gjithë britaninë për cilësinë e programeve në fushën e turizmit.  Studentët e huaj  që morën pjesë në tryezë janë studentë masteri me origjina te ndryshme ndërkombetare, të cilët përvec se do vizitojnë Shqiperine per njohjen në terren të turizmit, duan te kene edhe nje bashkebisedim me studente, staf akademik dhe perfqaqesues te pushtetit lokal dhe qendror te lidhur me industrine turistike